Kjúklingur með mango chutney sósu

Sennilega eiga allir þessa uppskrift í einhverri útgáfu, en þar sem þessi réttur er svo góður ætla ég samt að setja uppskriftina hér inn

1 kg. beinlaus kjúklingur, bringur eða læri
1 krukka (ca. 250 gr.) mango chutney
1 dós (400 gr.) kókosmjólk
1-2 tesk. karrý
4 hvítlauksrif
Salt og pipar

Ef notaðar eru bringur eru þær skornar í 2-3 bita hver en lærin eru höfð heil. Kjúklingurinn steiktur í olíu á pönnu, kryddaður með salti og pipar og settur í eldfast mót. Smá olíu bætt á pönnuna, karrýið og hvítlaukurinn sett út í, síðan mango chutney. Kókosmjólk hellt út á og látið malla saman í nokkrar mínútur. Hellt yfir kjúklinginn og bakað við 175° í 15-20 mínútur. Borið fram með hrísgrjónum og góðu salati